Gym Rats

Kung wala kayong panahong mag-workout, isuot na lang ang costume na ito. Be buff in an instant.

Mapapansin sa mga panahong ito na biglaang nagsulputan ang napakaraming gyms sa bansa. Nag-umpisa na kasing maging conscious ang karamihan sa kanilang health at mga hugis. Lalo na sa karamihan ng kalalakihan, patok talaga ang mga gym sa kanila. Kaya nga umusbong na yang mga Slimmer's World, Fitness First at Gold's Gym.

Sa mahigit isang taon kong pagwo-workout sa neighborhood gym, napuna ko ang iba't ibang klaseng mga nilalang na pumupunta sa gym. Malamang napupuna na rin ng marami ang iba't ibang klase ng mga gym rats kahit nasa labas na. Sinu-sino nga ba ang mga kapuna-punang mga gym rats?

NooBs (Newbies)
Lahat ng gym rats nagsisimula dito. Kahit sinong maskulado at mga Mr. Olympia ay dito nagsisimula. Malalaman namang mga newbies sila kapag lagi pa silang nakabuntot sa mga trainers. Kapag busy naman ang kanilang mga trainers sa pag-aasikaso sa mga chikaboobs at mag-isa na lang sila, mapapansing hindi nila alam ang exercise na ginagawa nila. Gumagawa sila ng kanilang mga exercise. Medyo mag-ingat makatabi ang mga ito dahil magugulat na lang na durog na ang mga buto dahil nabagsakan na pala ng dumbell na hawak ng NooB kanina lamang.
How to correct this mistake?
Kapag baguhan, make sure to do your assignments first bago sumabak sa matinding buhatan. At dahil ang mga instructors naman mas busy sa pag-aasikaso sa mga chikaboobs ng gym, wag maging dependent sa kanila. Siguraduhing alam lagi ang ginagawa at laging mag-iingat.

Johnny Bravo

Heto na yata ang pinakamaraming makikita sa gym. Sila yung mga katulad ni Johnny Bravo, yung malalaki ang katawan pero ang papayat naman ng mga legs. Nakalimutan yata nilang may paa din sila. Kung may sariling isip lang siguro mga paa nila baka nasipa na nila ang nagmamay-ari sa kanila. Beach body lang ang habol ng mga ito. Naglalakihang pecs, braso at nag-uumbukang mga pandesal sa tyan na tinatawag ding abs. Yun nga lang, ang sagwa kasi chicken legs naman sila. Isang magandang halimbawa dito ay si Polo Ravales, sexy nga ang katawan, patpat naman ang binti.

How to correct this mistake?
Kapag nagwo-workout, hindi dapat focused lang sa isang part ng katawan o yung tinatawag na spot training. Later on life kasi hindi rin maganda ang pagkakaroon ng unbalanced na katawan. Higit sa lahat... ang sagwa!

M.U. (Machong Unano)
Dahil hindi naman lahat biniyayaan ng tangkad kaya nagkakaroon ng mga MU sa gym. Magaganda at matipuno ang katawan, yun nga lang medyo ipinagkait ng bathalumang Juday ang height sa kanila. Nakakatakot nga minsan ang laki ng kanilang mga muscles dahil siksik na siksik ang mga ito. Kulang na lang yata ay buhok sa paa at magmumukha na silang hobbit.
How to correct this mistake?
Wala naman ng itatama sa pagpapalaki ng katawan nila, kasi ok na nga, Yung height lang talaga. Siguro dapat habang bata pa ang mga potential MU ay lumaklak na sila ng galon-galong cherifer para tumangkad naman sila. Kung mapera naman sila ay pwede silang magpadugtong ng buto sa mga binti nila.

Monsters/Halimaw
Sila yung mukhang mga alalay ng kontrabida sa mga lumang Pinoy action films. Malalaking tao, malalaking katawan at may malalaking tyan din. Mga halimaw nga. At dahil mga halimaw, nakakatakot din sa bigat ang mga binubuhat nila. Nakakatakot talaga silang makasama sa gym.
How to correct this mistake?
Hinay-hinay lang sa paglaklak ng beer at sa pagkonsumo ng pagkain. Uminom ng xenical o bumisita sa mga surgeon para magpa-lyposuction para mahigop ang taba na pwede pang gamiting mayonnaise. Kung hindi uubra ang diet at tawagin lang ako. "They say you have monstah here... They say your gym is cursed... I am Billycoy and I will kill your Monstah!"

Sila ang kapuna-punang mga tao sa gym. Pero huwag mabahala at matakot sa kanila, mabababait at friendly naman sila. Kung meron mang nangangain ng tao sa gym na pinapasukan, malamang na hindi gym yun. Nasa tribu kayo at mga cannibals ang mga kasama niyo. Lagooot!

Just an Inquiry

Maraming katanungan ang bumabalot sa sangkatauhan. Sa mga katanungang ito doon naman nagmumula ang mga karunungan natin. Ngunit may ilang katanungan pa rin ang nananatiling misteryo sa ating lahat. Mga tanong na wala na yatang kasagutan. Mga tanong na hindi nagpapatulog sa ating mga gabi. Mga tanong na patuloy na bumabagabag sa ating isipan.

Anu-ano ba ang mga katanungang kahit tayo ay di natin masagot?

1. Paano natin malalaman ang lengguwahe o dialect ng mga pipi? May proper pronunciation or grammar din kaya ang sign language?
2. Kailan kaya tatama ang PAG-ASA sa kanilang weather forecast?
3. Takot ba talaga ang elepante sa daga?
4. Kailan matututo ang mga lalaki na mag-shoot ng ihi sa inidoro?
5. Ano na mangyayari kay Santa Clause kapag natunaw ang ice caps sa North Pole?
6. Kung ikaw na lang ang lalaki (kung babae ka, kunwari shemale ka) sa mundo at si Mahal at Madam Auring ang natitirang babae sa mundo, sino ang pipiliin mo?
7. Marami bang pole dancers sa Poland?
8. Detachable ba talaga ang ilong ni Michael Jackson?
9. Higante ba si Big Brother?
10. Trend ba talaga ang drunk-driving para sumikat?
11. Bakit ba naimbento ang yosi?
12. Ano mas masarap, sex, beer, chocolates o tumae?
13. Kung maprotina ang mga ipis at iba pang nakakadiring insekto, bakit hindi ito sina-suggest ng DOH at BFAD na pagkain?
14. Kamukha ba ni Brad Pitt si kamatayan? Kung ganun man... ang pangit naman!
15. Naniniwala ba kayong USB (Untouched Since Birth) pa si Billycoy?

Iyan ang ilang bumabagabag sa aking isipan. Ngayon, it's your turn naman para mag-isip at mabigyan ng kasagutan ang mga iyan.

Alone in the World

Then tell me, Joe, how come a man as attractive, intelligent, well-spoken,
diffident in the most seductive way, and yet powerful,
is all alone in this world?
Susan Parrish speaking to Joe in Meet Joe Black

Iyan na yata ang pinakaakmang mga salitang nababagay sa akin. Feeling Brad Pitt ba? Hindi ah! Hamak namang wala pa siya sa kalingkingan ng aking kagwapuhan. Pero pareho kasi kami ni Joe Black, gwapo, matalino, marunong magsalita at higit sa lahat seductive. Yun nga lang, mag-isa lang sa mundo at wala pang juwawhoopers. In other words, USB o Untouched Since Birth.

Bakit nga ba mag-isa lang ako sa mundo? Hindi alam ng karamihan, unico hijo ako. Wala akong kinagisnang kapatid. Tanging mga G.I. Joe, unan at sina Mara Clara lang ang nakasabay kong lumaki. Namulat din ako sa pakikiiyak sa Princess Sarah, Dog of Flanders at pakikipaglaban sa mga Saiyans ng Dragon Ball Z. Malungkot sa tingin ng iba, pero masaya na para sa akin. Naging crush ko pa nga si Jolina during her Ang TV days.

Hindi man pinalad na magkaroon ng mga kapatid, masuwerte naman ako at nagkaroon ako ng maraming kaibigan. May matino, may gago, may ulul, may siraulo, may gunggong, may maayos, may timang. Iba't ibang klase, ganun yata talaga mga tao sa mga mental hospital. Masaya naman ako at may nakilala akong mga ganung tao, madaling utuin at utangan.

Bagamat marami akong friendster, isa naman akong sawimpalad sa popoy at pag-ibig. Isa akong sawi. Mabuti na rin siguro yun at yun marahil ang nilaan sa akin ng destiny. Nauunawaan ko naman yun. Sa tindi ba naman ng aking nakakauhaw na charm at nakakahalinang kagwapuhan, maraming kababaihan, matrona't bading ang magpapatayan para sa akin. Kaya naman, mas pipiliin ko na lamang maging mag-isa kaysa magkagulo pa ang sangkatauhan. Kung magkaka-juwawhoopers man ako, alam kong di siya tatantanan ng iba pang nasasabik sa akin. Pipiliin ko na lang maging USB forever kaysa naman may iba pa akong masaktan.

Kaya naman Jolina, KC Concepcion, Denise Laurel, Toni Gonzaga, Rhian Ramos, Marian Rivera, at Riza Santos...

I AM SORRY, I PREFER TO BE SINGLE FOREVER!

A New Republic

Marami talaga akong pinagkakaabalahan nitong mga nakaraang araw. Kailangan kasing tutukan ng husto ang mga ginagawa ko ngayon. Hindi talaga pwedeng pabayaan. Mahirap na kasi ang magkamali saka kung meron man mapapabago ko kagad ito.

Ano ba pinagkakaabalahan ko?

Kung ang hari ng Dubai ay nagpapagawa ng manmade islands na korteng palm at ng mga continents sa mundo, iba naman ang akin. Gumagawa ako ng country/continent sa Pacific Ocean. Napuna ko kasing marami pang space sa karagatang iyon kaya naisipan kong i-occupy ang space na yun. Napakaraming space sa earth kaya dapat namang i-maximize ito. Sayang naman. At yun nga, naisipan kong magpagawa ng country/continent. Ang gulo-gulo na rin kasi ng bansa natin dahil sa kagagawan nila Cristy Fermin, Jobert Sucaldito, Mahal, Angelica Jones at Madam Auring.

Papangalanan ko ang pinapagawa kong bansa na Bukshikabuba Republic. Isang bansang napakalaya at napaka-democratic. May laya ang mga Bukshi citizens na paslangin ang mga walang kwentang mga nilalang at merong nakakarimarim na pagmumukha. Sa sobrang kalayaan nga ng bansang itatayo ko, kahit sa gitna pa ng kalsada mag-"let's get it on" ang mga magjuwawhoopers ay ayos lang basta't wag lang silang masasagasaan ng mga sasakyang dumadaan, malalasog ang mga katawan nila at magkakalat ang mga balunbalunan, bituka at utak nila sa kalsada. Ayoko ng mess.

Walang halaga rin sa Bukshikabuba Republic ang mga pera para sa trade and industry. Ang currency sa aking itinatayong republic ay katawan. Hindi parte ng katawan ng tao na kinikilo ang tinutukoy ko dito. Katawan as in, sex ang gamit sa mga transactions at trade. Ang presyo ay dependent sa experience at virginity ng isang tao. Kung ang virginity ay intact hanggang age 30 mataas ang presyo nun, pero higit sa edad na 30 ay nagde-depreciate na rin ang value. Kaya naman mataas ang value ko sa itatayo kong bansa. Baka kayanin ko pang bumili ng isa pang bansa kapag ibinenta ko na ang aking virginity.

Limited lang ang mga taong maninirahan sa aking bansa. By invitation ito at meron pang screening sa mga invited. Kailangang high-quality ang mga kukuning mga citizen ng aking republic para makaiwas sa contamination ng corrupted ideologies.

Medyo matagal pa itong matapos pero ngayon pa lang ay tumatanggap na kami ng mga applicants ng mga wannabe Bukshi citizens.

Registration fee: One-night stand.

Safest Place on Earth

Ibang safety ang tutukuyin ko.

Habang tumatagal ay lalong nagiging delikado ang mundo. Lumalala na kasi ang terorismo, giyera at crimes. Kung maaari lang sigurong manirahan sa ibang planeta matagal na natin itong ginawa. Wala na nga yatang ligtas na lugar ngayon kung tutuusin. Sa kabila ng kaguluhan, bukod sa Antarctica, ang bansa pa rin natin safest.

Bakit sa palagay ko ang bansang Pilipinas ang pinakaligtas sa mundo?

• Ally tayo ng USA at UK
  
• Kaibigan din ng bansa natin ang China
• Miyembro ang bansa natin sa ASEAN
• Malapit din ang mga Pilipino sa mga Muslim countries
• Wala namang alitan ang bansa natin sa Ruso
• Friends na rin ang bansa natin sa North Korea
  
• Patuloy pa rin tayong kumukuha ng supply ng langis sa mga middle-eastern countries
• Maganda ang ugnayan ng Pilipinas sa India at mga kalapit na bansa
• Supplier tayo ng mga entertainers sa Japan
• Tinatangkilik nating mga Pinoy ang mga Koreanovelas
• Maganda pa rin ang relasyon natin sa mga drug traffickers sa South America
• Nanggagaling ang mga ukay-ukay natin sa Hongkong
• Nag-aral sa France si KC Concepcion
• May dugong pinoy si Rob Schneider
• Kasama sa nominees ng Top 99 Women in the World ng Askmen si Angel Locsin
• Naiintindihan natin ang lenggwahe ng mga penguin
  
• Nakatira sa bansa natin ang pinakamayamang tao sa mundo, si Eddie Gil
• Kasalukuyang nananahan sa bansang ito ang katakam-takam at pinakagwapong virgin demigod na si Billycoy Dacuycuy

Isa lang naman ang alam kong dahilan kung bakit nagiging peligroso ang pagtira sa bansa natin...

SI JOBERT SUCALDITO.

Math Attack

Who loves Math?

Sino nga ba ang may gusto ng Math? Malamang mangilan-ngilan lang ang mahilig sa math. Bukod sa chocolates at sa mga sizzling hot chikaboobs, isa rin sa aking weakness ang Math. Isa nga arithmetic sa mga pinaka-dislike kong subject noong elementary at highschool. Hindi ako mahusay sa mga math problems, ngunit di nangangahulugang kamote ako dito. Hindi ako magaling at hindi rin naman ako dakilang tanga sa Math, sinto-sinto lang.

Swerte ko nga nu'ng college kasi college algebra lang at yun lang ang natatanging isang Math buong college life ko. Kaya't konsultahin niyo na ako sa sex wag lang sa mga numbers dahil tiyak mapapatay ko gamit ng kuryente ng battery ng calculator kung sinuman ang magtatanong sa akin ng mga ganung bagay.

Though, kahit gaano man nating gustong isuka ang Mathematics, napakahalaga pa rin nito sa ating buhay. Tumutulong ito sa analytical thinking ng ating pag-iisip. Pero, ano naman ba ang dulot ng isang mangmang sa Math?

Advantages of a Math Stupid

1. Hindi aasahang bigyan ng napakabigat na mga suliranin na may kaugnayan sa mga numbers.
2. Sa ambagan, hindi papakialaman ng iba kung sakali mang may sumobra sa ambag nila.
3. Walang problema sa pagbabudget.
4. Hindi rin namomroblema sa mga presyo ng binibili kahit pa mura ito o mas mahal pa ito sa kanyang buhay at buhay ng kanyang mga kapitbahay.
5. Masaya sa buhay at hindi naii-stress ng mga numero.
6. Walang pakialam sa mga levels ng cholesterol, blood pressure, blood sugar, calories, fats, sodium at tindi ng baho ng mga singit, batok at kili-kili.
7. Nananatiling bata at hindi tumatanda.

Disadvantages of a Math Stupid

1. Madalas na nagno-nosebleed kapag nanonood ng "Numbers" at "Math-tinik"
2. Nauubusan ng pera ng di namamalayan.
3. Inaakalang isang race ng tao sa isang bansa ang SOH-CAH-TOA.
4. Dependent sa mga daliri sa kamay at paa para mag-solve lang ng simpleng equation ng trigonometry.
5. Hindi kayang bilangin ang mga bituin sa langit, hibla ng buhok at mga butil ng bigas sa isang tasa.
6. Kinakasuhan ng pandarambong o plunder.

Sa math na lang din ang pinag-uusapan, how to get Billycoy with a Math equation?

Gwapo multiplied to sexiness to the nth power divided by the square root of charm add the cosine of a uber gorgeous looks times the cotangent of oozing sex appeal plus yumminess to the mouthwatering level which will be equal to Billycoy.

Ayan ang formula sa paggawa ng isang demigod na katulad ko. Paano naman ang equation niyo sa inyong sarili?

Still Alive and Kickin' Some Balls

I'm back I'm back balakubak!

Matagal din pala akong nawala, nagbakasyon muna kasi ako at pinili kong i-isolate ang sarili ko sa media frenzy at mga technological hullabaloos. Nagbakasyon grande muna ang inyong lingkod para naman medyo ma-refresh, mag-recharge at makapag-relax-relax muna sa napakaraming stress na nakaka-reduce ng aking youthful glow. Kaya heto na ako nagbabalik na masiglang-masigla at aroused na aroused!

Nasaan nga ba si Billycoy nitong nakaraang linggo at tila naglaho muna sa paningin ng mga uzis at ng mga tsismosa?

Nagbakasyon kasi muna ako sa aming bahay bakasyunan. Hindi sa mansion namin sa Baguio, resthouse sa Tagaytay Highlands, beachhouse sa Bahamas o sa aming bubbledome sa ilalim ng Arctic Ocean. Bumisita muna ako dun sa aming pinapagawang vacation house sa planetang Pluto. Kung hindi niyo po nalalaman, binili ko na kasi ang Pluto last year kaya naman ang ginawa ng mga astronomers, scientists, astrologists, feng shui experts at ng mga mambabarang ay ginawa na lang itong asteroid. Kaya kasalanan ko kung bakit di na planeta ang Pluto ngayon.

Nag-chillax muna ako habang pinapanood ang aking bahay na ine-erect... este itinatayo... (bakit parang mahalay pa rin?) ng aking mga alipin sa lupa ng aking nabiling planeta. So far, almost halfway pa lang sila. Medyo mabagal ngang ang paggawa kasi ayokong madaliin nila ang pagtapos nito.

Medyo mayabang ba ang tono ko?

Hindi naman ako nagmamayabang. Well, kasi kaming mga nasa alta-sociedad, natural na may mga ganung bagay lang. In other words, hindi kami mayabang, MAYAMAN LANG.

Sa mga naghanap sa akin—kung meron man—sa mga nakalipas na araw, unawain niyo na lang sana ang pansamantala kong pagkawala. Nagparaos lang ako!

Regal shockers! Iba talaga ang epekto ng hangin ng Pluto sa akin.